Dede Rifandi, Pupuhu Entragan 2013

Pupuhu Entragan 2013, Dede Rifandi nu Kapilih dina Acara LDKM 2013
dI Gedung Perpustakaan UPI Bandung, lt 4. (21/10)
 

Najan wanci geus nyorang janari, rohangan sidang teu milu kasimbutan ku tiisna hawa. Jalma-jalma nu maraké pakéan bodas hideung lengkep jeung atributna teu weléh nepikeun pamadegan-pamadegan jeung kamandang-kamandangna nepi ka karasa atmosfer éta rohangan jadi panas. Teu éléh ku fraksi, di jajaran korsi panitén katémbong lanceuk tingkat jeung alumni nu miboga raga katineung ka himpunan teu reureuh nepikeun pangdeudeul sarta kamandang-kamandangna.

Dipingpin ku presidium dua Deska Mahardika, éta sidang milih pupuhu entragan lumangsung kalayan lancar. Najan dina awal-awalna mah rada ngayayay jeung teu kondusif. Sanggeus ragot paadu pamadegan sarta teu waé manggih mufakat, éta sidang dituluykeun kana lobbying terbuka. Sidang nu nangtukeun Pupuhu Entragan 2013 ieu ahirna tepi ka dilaksanakeunana lobbying tertutup pédah teu waé manggih bongbolongan. Éta hal jadi ciri yén calon-calon entragan 2013 sarua hadéna. Ahirna, kalayan ngaliwatan lobbying tertutup éta Dede Rifandi disahkeun jadi Pupuhu Entragan 2013.

Sanggeus ngangkat sumpah jabatan Dede, acara dituluykeun kana pembagian kelompok anyar. Katémbong beungeut nalangsa ti para pamilon nu kudu papisah jeung pangaping sarta anggota kelompokna nu heubeul. Antukna méméh balik ninggalkeun rohangan sidang, sawaréh ti para pamilon ngamangpaatkeun éta waktu keur popotoan jeung pangaping sarta babaturan kelompokna nu heubeul. Maranéhna ngaliud silih rangkul méh paadu jeung Panata Calagara nu keur paciweuh mérésan rohangan urut sidang maranéhna.

Dede Rifandi nu harita geus sah jadi Pupuhu Entragan, nyebutkeun yén manéhna hayang ngaraketkeun deui tali mimitran entragan 2013. “Ayeuna mah can karaos jadi pupuhu téh, ngan (Dede: red) hoyong mageuhkeun tali duduluran. Éta hungkul.” Ceuk Dede ngajelaskeun.

Harepan ka Pupuhu Entragan anyar ditepikeun ku saurang anggota fraksi, Muhammad Kusaeri. Kusaeri miharep Dede kudu miboga wibawa jeung mampuh ngaronjatkeun sarta ngabungahkeun entraganna. “Miharep ka Pupuhu Entragan tong hayang terus-terusan baé dirojong tanpa aya parobahan. Justru kudu nyaring, éling, sarta bisa ngarojong dirina sangkan jadi puuhu nu sakuduna,” Ceuk ieu Mahasiswa, kalayan pertéla.

Ku réngséna Latihan Dasar Kepemimpinan Mahasiswa (LDKM) ieu, Penanggung Jawab kagiatan, Andri Tri Sulistyan nyebutkeun yén dirina ngarasa sugema ku éta hasil sidang. “Alhamdulillah jongjon ayeuna mah, najan aya hal-hal téknis nu kudu disanghareupan ku panitia, tapi urang embung nepi ka pamilon nyaho sarta ngarasa kaganggu ku éta masalah.” Ceuk manehna ka Humas Penstrada waktu mérésan rohangan urut sidang. [Humas Pensatrada]

Tatang Zaelani: Tamu "Istimewa" keur Si Bungsu

Pamatéri Latihan Dasar Kepemimpinan Mahasiswa (LDKM) Mitra Sunda 2013
keur méré matéri di Gedung Peprustakaan UPI (20/10)

Pamilon kagiatan Latihan Dasar Kepemimpinan Mahasiswa (LDKM), dibagéakeun ku rupa-rupa matéri ti para inohong Sunda. Saptu jeung Minggu (20-21/10). Kagiatan nu dilaksanakeun di gedung perpustakaan lantéy opat Universitas Pendidikan Indonesia (UPI) ieu ngadatangkeun Drs. H. Elin Syamsuri nu méré matéri ngeunaan Sunda jeung Kabudayaanna, Budi Rahayu Tamsyah nu méré matéri ngeunaan Kamekaran Media Massa jeung Nulis Opini, sarta matéri Kamekaran Sastra Sunda jeung Nulis Sastra, ti Sastrawan Sunda Hadi AKS.

Aresiasi hadé ditepikeun ku saurang pamilon, Dinny Octaviasari Rahayu. Dini nyebutkeun, boh matéri nu ditepikeun boh nu méré matérina matak nyugemakeun manéhna. “Pa Elin dina ngadugikeun matérina téh saé pisan, tiasa mangaruhan, retorikana téh saé pisan, matak nerap,” Ceuk ieu mahasiswa entragan 2013. Jaba matéri ti para inohong Sunda, pamilon ogé dibekelan matéri-matéri ngeunaan kapaminpinan, diantarana Dialektika Organisasi ku Diky Arliana, Problem Solving ti Arif Ali Abdillah, Kapamingpinan ti Iman Nurdin, sarta Téknik Persidangan nu ditepikeun ku Andi Sopandi.

Ningali aprésiasi hadé ti para pamilon LDKM, Pupuhu Calagara Mitra Sunda 2013 Tatang Zaélani Tirtawijaya teu bisa nyumputkeun deui rasa kabungahna. Numtukeun Tatang, ieu kagiatan LDKM téh disiapkeun salian ti keur kapamingpinan, ogé keur nambahan pangaweruh para pamilonna. “Urang embung méré matéri jeung pematéri nu biasa-biasa keur si bungsu (Entragan 2013: red).” Ceuk Tatang teges waktu diwawancara Humas Penstarda. Tatang ogé nepikeun panghampurana ka Pupuhu BEM sarta Panata Calagara lianna saupama éta kagiatan teu luyu jeung nu dipiharep, utamana ka Pupuhu BEM. “Najan usaha urang geus diketrukeun, hampura mun hasilna teu luyu jeung naon nu geus dikonsép.” Ceuk Tatang mungkas carita.

Kacatet, teu kurang ti 92 urang Mahasiswa Entragan 2013 miluan ieu acara. Sabenerna mah, ieu acara téh diiluan ku 93 urang pamilon, ngan pamilon nu ngaranna Firman Sidiq kabur nalika acara masih lumangsung sarta teu balik deui tepi ka bérésna kagiatan. Salian ti diiluan ku pamilon jeung Panata Calagara, acara nu mangrupa runtuyan tina kagiatan Mitra Sunda 2013 ieu diluuhan ogé ku para alumni jeung lanceuk tingkat nu miboga raga katineung ka himpunan. Malah dina prak-prakanana teu asa-asa lanceuk tingkat babagi pangalamanna ka pamilon LDKM. [Humas Pensatrada]

Hikmah Gema Romadon 2013

Himpunan Mahasiswa Pendidikan Basa Jeung Sastra Sunda (Hima Pensatrada) UPI geus ngalaksanakeun kagiatan Gema Romadon 2013 (26/7). Acara nu pas meneran jeung poé dipiéingna Nuzulal Quran ieu dilaksanakeun di Lab. Bahasa lt.4 Gedung Fakultas Pendidikan Bahasa dan Seni (FPBS) UPI Bandung.

Pupuhu Calagara, Éggy Aditiar nétélakeun yén kagiatan Gema Romadon téh mangrupa salah sahiji kagiatan insidental Sub. Bidang Karohanian. “Ieu acara téh mangrupa salah sahiji kagiatan insidental himpunan nu maneuh diayakeun tiap tahun” pokna. Égi ogé ngajelaskeun yén ieu kagiatan téh bisa jadi salah sahiji tempat pikeun ngaraketkeun tali silaturahmi papada warga himpunan disagédéngeun ngareuah-reuah Bulan Puasa.

Najan teu diluuhan ku réngréngan dosén jurusan, acara nu miboga tema “Amal ku haté wening, bukti jati diri mu’min sajati” ieu bisa disebut lancar. Sakumaha nu ditepikeun ku Suci Nurul Qoriah salaku ketua Sub. Bidang Karohanian, yén acara Gema Romadon taun ayeuna leuwih hadé deui tibatan taun kamari. Boh tina segi acarana, boh partisipasi pamilonna.

Réspon positif ogé katémbong ti para pamilonna. Maranéhna katémbong daria pisan dina miluan sakabéh runtuyan acara. Anapon runtuyan acarana nya éta tausiyah kaagamaan ti Ustad Gita, nongton film Kaislaman, pintonan seni religi, sarta dipungkas ku buka bareng warga himpunan.

Suci ogé miharep Gema Romadon taun satuluyna bisa leuwih hadé deui, utamana mah tina segi acara sarta pamilonna. Sabab acara Kaagamaan samodél kieu bisa dijadikeun sarana pikeun mengkukhkeun deui spiritual mahasiswa. [Humas Pensatrada].

Daptar Pengurus BEM HIMA Pensatrada 2013-2014

WILUJENG MANCÉN GAWÉ

PENGURUS BEM HIMA PENSATRADA

PERIODEU 2013-2014

Daftar Pengurus BEM HIMA Pensatrada 2013-2014

Nasib Mahasiswa Jurusan Sunda

Geus lain rusiah deui mun mahasiswa ayeuna miboga udagan (orientasi) ngan saukur mikiran widang akademikna. Conto ieu loba tur karandapan ku urang ayeuna. Memang aya paktor nu mangaruhan hal ieu, salasahijina nyaéta sistem kampus. Sistem kampus nu ayeuna memang nungtut urang kana hal-hal akademik dina harti kuliah nu jadi tungtutan ayeuna, nepi ka aya basa nu penting mah kuliah-lulus tuluy gawé atawa jadi PNS (bari jeung teuing meunang naon dina pakuliahanna). Sadar teu sadar hal éta nu jadi udagan (oriéntasi) mahasiswa ayeuna téh. Lian ti éta pasualan kurikulum nu dilarapkeun éta sorangan jadi paktor nu mangaruhan kana orientasi mahasiswa ayeuna, umpamana masalah pancén nu beuki dieu beuki jadi pagawéan mahasiswa di kosanna, SKS nu ayeuna mingkin heureut, jeung ayana semester padat (SP) ogé mangaruhan kana oriéntasi mahasiswa. Mun geus oriéntasina kitu hartina mahasiswa bakal ditungtut sina gancang-gancang lulus, hal ieu nu ngajadikeun urang jadi mahasiswa nu akademis. Memang urang teu kitu waé kudu mopohokeun kana widang akademik da ieu pan nu jadi udagan mimiti urang ti lembur ka kampus téh, keur kuliah, “nyuprih élmu” ceuk sepuh mah. Tapi kudu jadi émutan, saenyana nyuprih élmu téh siga kumaha? Kitu deui pasualan kuliah, kuliah nu kumaha nu kudu dilakonan téh? Kuliah nu ngan saukur kuliah? Tong nepi ka ahirna urang jadi mahasiswa nu dis-oriéntasi, nu kuliah-lulus-gawé téa, bari jeung teu meunang nanaon (kamampuh).

Kaayaan saperti ieu memang keur karandapan ku mahasiswa sacara umum hartina teu di jurusan urang teu di jurusan nu séjén, orientasi mahasiswa ayeuna nya kitu téa, nu ahirna mah lolobana ngagugulung nu ngaranna kuliah (da hayang gancang lulus). Padahal disagédéngen éta aya hal nu kawilang penting, umpamana masalah organisasi. Aktip di salasahiji organisasi saenyana jadi hiji poin penting keur mahasiswa mah, lantaran di dieu maranéhna mekarkeun dirina, boh éta dina hal pangaweruh, mental atawa kamampuhna (pangabisa). Ngan nu dijadikeun pertanyaan téh naha enya mahasiswa ayeuna sadar kana hal éta? Tangtuna pertanyaan éta kedah diwaler ku sewang-sewangan.

Ngeunteung kana kaayaan éta urang ayeuna kudu ngujur awak ngukur diri, sadar teu sadar mahasiswa Sunda ayeuna geus mimiti dis-oriéntasi, dina harti nu jadi udagan nyaéta gancang lulus téa (tanpa mikir prosés lulus na siga kumaha). Mun seug kitu aharina bakal kaukur lulusan-lulusan nu kumaha nu di luluskeun ku Jurusan Sunda téh?
Nu jadi émutan deui téh tanggungjawab urang kana paélmuanana tur ka masarakat ayeuna kumaha? Nu cenah masarakat ayeuna geus teu sadar kana Bangsana.***

Institusi Organisasi jeung Strategi Gerakan

Riksa Budaya Sunda Digelar Deui taun ieu (2011)

PROFIL
BEM Himpunan Mahasiswa Pendidikan Basa jeung Sastra Sunda (HIMA PENSATRADA) merupakan organisasi intrauniversiter yang berada di lingkungan Jurusan Pendidikan Bahasa Daerah (JPBD) Fakultas Pendidikan Bahasa dan Seni (FPBS) Universitas Pendidikan Indonesia (UPI). Layaknya sebuah organisasi, BEM Hima Pensatrada memiliki arahan dan tujuan yang ingin dicapai biak secara konstitusional atau pun konvensional. Secara konstitusi jelas BEM Hima Pensatrada memiliki tujuan yaitu membangun insan akademis yang kritis, religius dan revolusioner sehingga mempunyai rasa tanggung jawab dan berpartisipasi aktif dalam mewujudkan pembangunan nasional. Secara konvensi kami memiliki tanggungjawab moral terhadap perkembangan dan penjagaan bahasa, sastra serta aksara daerah atau secara umumnya pengembangan dan penjagaan terhadap budaya daerah. Kedua hal ini yang kemudian menjadi fokus dalam organisasi ini (baca: BEM Hima Pensatrada)

Untuk mencapai tujuan itu maka pembinaan dan pengembangan dalam segala hal sangat dibutuhkan. Tidak hanya dalam wilayah kemampuan berorganisasi saja yang kami bina dan kembangkan. Tapi wilayah-wilayah keterampilan serta pembinaan minat dan bakat pun kami kembangkan. Hal ini dimaksudkan untuk mencapai tujuan secara konstitusi dan tujuan secara konvensi. Hal ini terbukti didalam tubuh organisasi ini sendiri (baca: BEM Hima Pensatrada) yang mana didalamnya terhimpun beberapa komunitas seni yaitu “Lingkung Seni Sunda” (Lisenda), Komunitas teater “Sanggar Mahasiswa Basa Sunda” (Sambada), komunitas sastra “TURUS” dan komunitas pecinta alam “Keluarga Pecinta Lingkungan Hidup (KPLH) Pancaksuji” yang bergerak pada bidang penelitian budaya. Selain itu untuk memenuhi kemampuan berorganisasi kami memiliki wadah tersendiri diantaranya “Pendidikan dan Penalaran” (Diklar), “Pengabdian Pada Masyarakat” (P2M), “Sosial jeung Pengkaji Kebijakan” (Sosjak). Adanya pembentukan dalam tubuh BEM Hima Pensatrada merupakan sebuah tarekah untuk memfokuskan diri dalam bekerja sehingga ini menjadi sebuah media untuk mengembangkan kemampuan serta keterampilan baik dalam hal organisasi dan berseni. Lebih jauhnya hal ini diharapkan mampu menjadi media pelestarian, pengembangan serta penjagaan terhadap budaya daerah (baca: Sunda).

Adapun bentuk kegiatan yang lebih konkrit yang setiap tahun kami laksanakan secara berkelanjutan diantaranya sawala (diskusi), seminar dan loka karya daerah, penelitian, pagelaran bahasa, seni dan budaya, penerbitan buletin Sunda (Buletin Turus), pengabdian pada masyarakat (P2M), helaran (kampanye) memperingati Hari Bahasa Ibu Internasional dan Riksa Budaya Sunda (RBS).

Langkung lengkepna, longok blog Riksa budaya Sunda 2011
di : http://rbspensatrada.blogspot.com

LDKM

Kaping : 16 Oktober 2010
waktu : 07.00-rengse
Tempat : gedung asrama vijaya Kusuma

Tes monolog SAMBADA

Mitra Sunda 2010

Sunda, Sunda, Sunda Jaya!!

Wilujeng ka mahasiswa entragan 2010 nu tos ngrèngsèkeun prosès administrasi turta katampi di Universitas Pendidikan Indonesia. Wilujeng Sumping di Jurusan Pendidikan Bahasa Daerah. Wilujeng Sumping di Himpunan Mahasiswa Pendidikan Basa jeung Sastra Sunda (HIMA PENSATRADA).

Saucap, Sarèngkak, Saparipolah!!
Dina nyanghareupan situasi kampus di Universitas Pendidikan Indonesia, hususna situasi nu aya di Jurusan Pendidikan Bahasa Daerah, tangtuna waè kedah aya prosèsna. Hal ieu nu baris diupayakeun ku BEM HIMA PENSATRADA. Prosès ngawanohkeun kaayaan kampus, boh di jurusan atanapi di universitas. Salahsahiji mètode na nya èta ku pengkaderan. Pengkaderan nu aya di BEM HIMA PENSATRADA dingaranan Mitra Sunda (nu mana kagiatanna ngawengku Wawanohan, LDKM, jeung Saba Reuma). Acara Mitra Sunda sorangan nu miboga tema "Saucap, Sarèngkak, Saparipolah" baris dimimitian ti;

Ping : 23 Agustus 2010
Waktos : 08-00 wib - Rèngsè
Tempat : Gedung FPBS anyar Lt.II ruang 110
Agènda : Pra Wawanohan



Patali sareng èta, Panata Calagara miharep ka mahasiswa entragan 2010 pikeun ngaluuhan kana acara ieu. anapon acara satuluyna baris diinformasikeun deui.

Anapon petunjuk teknis nu kedah digugu dina ngalakonan Mitra Sunda, baris dijèntrèkeun di handap;

PETUNJUK TÉHNIS MITRA SUNDA 2010
HIMA PENSATRADA


A. PAMILON

I. KATANGTUAN UMUM

1. Pamilon nya éta Mahasiswa Pendidikan Bahasa daerah FPBS UPI éntragan 2010 anu geus ngalaksanakeun régistrasi di BAAK jeung di himpunan, ogé mahasiswa saacanna anu daftar jadi pamilon.

2. Hak jeung Kawajiban Pamilon Mitra Sunda sakumaha aya dina Undang-undang
Pengkaderan Hima Pensatrada nya éta:

a. Kawajiban
1. Pamilon Mitra Sunda wajib milu sakabéh kagiatan Mitra Sunda 2010
2. Tuhu kana sagala aturan anu geus ditangtukeun ku panitia

b. Hak
1. Pamilon Mitra Sunda boga hak pikeun nampa fasilitas kagiatan Mitra Sunda
lamun geus nyumponan administrasi.
2. Pamilon boga hak ménta kaadilan, saupama aya pacogregan jeung Panitia Mitra
Sunda ngaliwatan DPM Hima Pensatrada, saterusna DPM ngalaporkeun ka Pupuhu
BEM Hima Pensatrada salaku penanggung jawab.
3. Hak meunang dispensasi ti panitia, nalika mibanda kasakit kalayan
ngalaporkeun maneh ka panitia, sarta mawa surat katerangan ti dokter atawa
alesan lian anu jelas.
4. Hak meunang sertifikat ti Hima Pensatrada sabada lulus Mitra Sunda.

II. KATANGTUAN HUSUS

1. Tata tertib
a. Dina unggal lawungan/gempungan pamilon kudu hadir tepat waktu dina unggal
acara.
b. Migawé sakabéh pancén anu geus dibikeun ku panitia.
c. Ngajaga étika jeung tatakrama, némbongkun paripolah sopan anu luyu jeung
tetekon urang Sunda.
d. Ngajaga réputasi Hima Pensatrada jeung Jurusan Pendidikan Bahasa Daerah FPBS
UPI.
e. Teu meunang mawa roko, narkoba, jeung pakakas seukeut nalika kaghiatan lumangsung.
f. Teu meunang ngaktrifkeun HP jeung barang éléktronik liuanna salila kagiatan lumangsung.
g. Maké pakéan rapih, kalayan katangtuan:

Nalika Kagiatan lawungan

Lalaki
- Maké calana panjang katun (modél standar);
- Maké kaméja sarta dikajerokeun;
- Maké sapatu jeung kaos kaki;
- Maké beubeur;
- Standar buuk : 3 cm, rapih, henteu dicét;
- Kumis jeung janggot dikurud;
- Teu meunang maké asésoris salian ti érloji.

Awéwé
- Maké rok panjang teu ngetat (model Standar);
- Maké kaméja teu ngetat sarta dikajerokeun;
- Maké sapatu jeung kaos kaki;
- Maké beubeur;
- Buuk kudu rapih sarta teu dicét (dibeungkeut anu teu maké jilbab);
- Teu meunang maké asésoris anu kaleuleuwihi iwal ti érloji.

Nalika Kagiatan Wawanohan

Lalaki
- Maké baju kamprét, calana pangsi warna hideung jeung iket;
- Standar buuk : 3 cm, rapih, henteu dicét;
- Maké sarung disalémpangkeun;
- Maké sendal sapatu (lain sendal capit);
- Teu meunang maké asésoris salian ti érloji.

Awéwé
- Buuk kudu rapih sarta teu dicét (dibeungkeut anu teu maké jilbab tapi lain digelung);
- Maké kabaya jeung disinjang;
- Teu meunag maké make up anu kaleuleuwihi;
- Teu meunang maké asésoris nu kaleuleuwihi.

Nalika kagiatan LDKM

Lalaki
- Maké kopéah hideung;
- Standar buuk : 3 cm, rapih, henteu dicét;
- Maké kaméja bodas polos leungeun panjang;
- Maké dasi warna hideung;
- Maké calana panjang katun warna hideung (modél standar);
- Maké kaos kaki jeung sapatu pentopel warna hideung;
- Maké beubeur warna hideung;
- Maké tanda pamilon (name tag);
- Teu meunang maké asésoris salian ti érloji.

Awéwé
- Buuk dibeungkeut rapih sarta teu dicét lamun dijilbab kudu warna bodas;
- Maké kaméja bodas polos leungeun panjang (teu ngetat);
- Maké dasi kupu-kupu warna hideung (nu maké jilbab, diluareun jilbab);
- Maké erok panjang warna hideung satandar (teu ngetat);
- Maké tanda pamilon (name tag);
- Maké beubeur warna hideung;
- Teu meunang maké make up jeung perhiasan anu kaleuleuwihi.

Nalika Kagiatan Saba Reuma

Lalaki
- Maké kaos leungeun panjang hideung polos;
- Maké calana PDL warna hideung;
- Maké syal biru Hima pensatrada;
- Maké kaos kaki hideung;
- Maké sapatu nu warna dominanna hideung;
- Maké beubeur hideung;
- Maké dudukuy samak;
- Standar buuk : 3 cm, rapih, henteu dicét;
- Maké tanda pamilon (ditangtukeun)
- Teu meunang maké asésoris anu kaleuleuwihi;
- Teu meunang mawa alat-alat éléktronik.


Awéwé
- Buuk dibeungkeut rapih sarta teu dicét lamun dijilbab kudu warna hideung;
- Maké kaos leungeun panjang hideung polos;
- Maké calana PDL warna hideung;
- Maké syal biru Hima Pensatrada;
- Maké sapatu nu dominan warna hideung;
- Maké beubeur, kaos kaki (warna hideung);
- Maké dudukuy samak;
- Maké tanda pamilon nu geus ditrangtukeun;
- Teu meunang maké asésoris anu kaleuleuwihi;
- Teu meunang mawa alat-alat éléktronik.


h. Mawa buku wawanohan anu katangtuanna nya éta :
1) Sampul Biru dongker (Asturo No.12) sarta disampul plastikan;
2) Dina Sampul harep digambar Logo Mitra Sunda 2010 luhureun gambar ditulis WAWANOHAN, handapeun gambar Logo ditulis Ngaran jeung NIM;

3) Lembar kahiji :

Biodata
Wasta :
NIM :
Nénéh :
Tempat, Ping Gumelar :
Padumukan :
Panganjrekan di Bandung :
Asala Sakola :
Kalangenan :
No. Kontak :
Silokaning Hirup :
.........................................................................foto warna

(tawisan)....................................................................3X4
__________________
NIM.


Lembar kadua :

Saucap, Saréngkak, Saparipolah

Silih Asih ku Pangarti,
Silih Asah ku Pangabisa,
Silih Asuh ku Pangweruh.



4) Lembar katilu HYMNE UPI;
5) Lembar Kaopat KARATAGAN PENSATRADA;
6) Lembar Salajengna ditulis:


Wawanohan jeung Dosen Jurusan Pendidikan Bahasa Daerah (4 kaca)
didamel kolom, kagigirna 6 kolom nu eusina:
No. Wasta, Kalungguhan, Padumukan, Amanat, Paraf.

Wawanohan jeung Pangurus DPM Hima Pensatrada FPBS UPI Periode 2010/2010 (2 Kaca)
didamel kolom, kagigirna 5 kolom nu eusina:
No. Wasta, Kalungguhan, Padumukan, Paraf


Wawanohan jeung Pangurus BEM Hima Pensatrada FPBS UPI Periode 2010/2010 (5 Kaca)
didamel kolom, kagigirna 5 kolom nu eusina:
No. Wasta, Kalungguhan, Padumukan, Paraf


Wawanohan jeung Panata Calagara Mitra Sunda 2010 (5 Kaca)
diamel kolom, kagigirna 5 kolom nu eusina:
No. Wasta, Kalungguhan, Padumukan, Paraf

Wawanohan jeung Lanceuk Tingkat (5 Kaca)
didamel kolom, kagigirna 5 kolom nu eusina:
No. Wasta, Entragan, Padumukan, Paraf


Wawanohan jeung Babaturan Sa-entragan (5 Kaca)
didamel kolom, kagigirna 7 kolom nu eusina:
No. Wasta, NIM, Padumukan, Panganjrekan, No.Kontak. Paraf


i. Mawa buku pancén anu katangtuanna sarua saperti buku wawanohan tapi nepi ka no. 5) kalawan parobahan dina sampulna luhureun logo Mitra Sunda ditulisna BUKU PANCÉN.


2. Reumpakan

a. Reumpakan Hampang:
- Datang telat kurang ti 10 menit;
- Ngaktipkeun HP atawa barang éléktronik lianna nalika kagiatan lumangsung;
- Teu nerapkeun étika kalayan bener.

b. Reumpakan Sedeng:
- Datang telat leuwih ti 10 menit;
- Teu migawé pancén anu geus dibikeun ku panitia;
- Maké pakéan teu luyu jeung katangtuan nu geus dijelaskeun;
- Mawa jeung ngaroko salila kagiatan lumangsung;
- Ngareumpak 3 kali Reumpakan hampang.

c. Reumpakan Beurat:
- Ngarempak 3 kali Reumpakan sedeng;
- Mawa narkoba, miras, psikoteopika jeung zat adiktif lianna;
- Mawa pakarang anu teu bisa dipertanggungjawabkeun;
- Teu bisa ngajaga réputasi Hima Pensatrada jeung Jurusan Pendidikan Bahasa Daerah.




CP:
085624041389 (Arif Ali Abdilah)
085720940046 (Edi Sutardi)
085723029537 (Dede Riza Nurjaman)

Peringatan Hari Bahasa Ibu Tak Populer di Bandung

Bandung - Tanggal 21 Februari telah ditetapkan oleh UNESCO sebagai Hari Bahasa Ibu Internasional. Namun begitu, sebagian generasi muda Bandung masih banyak yang belum mengetahui hal ini.

Seperti saat ratusan mahasiswa dari BEM HIMA Pendidikan Bahasa Jeung Sastra Sunda (BEM HIMA Pensastrada) UPI melakukan aksi turun ke jalan, banyak warga yang tidak tahu.

"Kita enggak tahu, tahu-tahu lihat ada aksi di depan BIP. Nyanyi-nyanyi Bahasa Sunda gitu," tutur Sarah Fidelia (18), salah satu pengunjung BIP ketika berbincang dengan detikbandung Minggu (21/2/2010).

Pradipta Nugrahanto - detikBandung

Hal senada diutarakan oleh Juwita Yulinda (20). Mahasiswa salah satu perguruan tinggi di Bandung ini juga tidak mengetahui mengenai hari bahasa ibu. "Saya baru tahu hari ini, itupun dari selebaran yang dibagikan oleh mahasiswa yang aksi di depan BIP," ujarnya.

Lain lagi pendapat Hafizh Gunawan (21), dirinya sempat mengira ada pertunjukan kesenian daerah di depan BIP. "Tadinya saya kira ada pertunjukan apa. Tahunya peringatan hari bahasa ibu," tuturnya.

Meski begitu, beberapa anak muda Bandung ini mengaku mengapresiasi adanya peringatan Hari Bahasa Ibu Internasional ini.

"Kalau bagi kami, ini aksi yang bagus. Toh sekarang banyak anak muda Bandung yang kalau ngobrol pakai bahasa betawi 'lu-gue'. Asing aja didengar di telinga. Kayak bukan hidup di Bandung," tutur Hafizh.(dip/tya)

Pancaksuji 2010

Bendé Rancagé 2010, Pangaléngan

Sidang Umum (Musyawarah Mahasiswa) HIMA PENSATRADA

Kaping: 28-30 Mei 2010
Waktu : 07.00- rengse
Tempat : Aula SMK Vijayakusuma, JL. Setiabudi Bandung

Kampanyeu Calon Pupuhu BEM Hima Pensatrada

tanggal: 25 Mei 2010
Waktu : 08.00- rengse
Tempat : Auditorium A, Lt.2 FPBS, UPI. Jl. Setiabudi 228 Bandung

Poé Basa Indung Internasional 2010

Riksa Budaya Sunda 2010

Riksa Budaya sunda (Sabanda) 2010 téh mangrupa rarancang gawé insidental BEM Hima Pensatrada dina raraga ngamumule tur mirosea basa jeung budaya Sunda. Dina rakéan kagiatan RBS ieu téh aya sababaraha wangun kegiatan, diantarana:
1). Pasanggiri (lomba),
2). Eksebisi,
3). Bazzar, sarta
4) pentas seni

* kagiatan pasanggiri ngawengku 4 rupa:
a. Pasanggiri Sajak SMP & SMA /satata
b. Pasanggiri Pupuh SMA/satata
c. Pasanggiri Dongeng SMP/satata
d. Pasanggiri Debat antar SMA/satata

* kagaitan eksebisi di antarana baé :
a. Eksebisi Aksara Sunda
b. Eksebisi Daluang
c. Eksebisi Anyaman Awi
d. Eksebisi

*kagiatan Bazzar:
a. Pameran Buku
b. pameran kaolahan has Sunda

* Pagelaran: Dinten pamungkas baris dibagikeun hadiah pinunjul sarta aya pintonan sababaraha kasenian has Sunda ti Mahasiswa Jurusan Basa Sunda UPI katut pangeusi acara lianna.

* Sasaran : siswa-siswi SMP-SMA sa-Jawa Barat

Pendaftaran dibuka ti ping 15 Maret 2010 dugi ka 20 April 2010 – Pendaftaran tiasa langsung sumping ka sekretariat Panitia Riksa Budaya Sunda (RBS) 2010 atanapi ngalangkungan pos ka Sekretariat Hima Pensatrada Jl. Dr Setiabudhi No. 229 Gd. FPBS blok C Lt. II UPI Bandung 40154 kalayan ngalampirkeun Formulir Pendaftaran anu tos disayogikeun.
- Pendafataran tiasa ngalangkungan kana email : riksabudayasunda@yahoo.com sateuacan kaping 12 April 2010. Pembayaranna ka No. rekening 0133309530 BNI Cabang UPI a.n. Amarullah.

Technical Meeting
SMP satata kaping 19 April 2010
SMA Satata kaping 20 April 2010
tempat : Gd. FPBS blok C Lt.II, Jurusan Pendidikan Bahasa Daerah UPI.

Pusat Informasi Kagiatan: Sekretariat BEM Hima Pensatrada Jl. Dr Setiabudhi No. 229 Gd. FPBS Blok C Lt.II UPI Bandung, 40154. CP : Luxaz Priansyah (085793845739), Amarullah (08524111244)

Sidang Umum Majels Permusyawaratan Mahasiswa Hima Pensatarada 2009

Dina ping 3-5 juli 2009 di Gedung Trapus Vijaya Kusuma, Hima Pensatrada ngagelar SU MPM Hima Pensatarada 2009, anu mibanda jejer "sageugeut, saiket, sahima urang raket", lumangsung alot. kulantaran nalika sawangan umum LPJ Hima Pensatarada 2008-2009 leubeut pisan patalekanana, ditambah ku

HIMA PENSATRADA

Sajarah
Dumasar gagasan mahasiswa nu munggaran; Karna Yudibrata(Drs), jeung Yus Rusyana (Prof. Dr), bareng jeung medalna Seksi Bahasa dan Sastra Sunda dina taun 1957, diwangun beungkeutan dina hiji kagiatan anu disebut “Bendé Rancagé”.

Marengan mekarna kagiatan kamahasiswaan di IKIP Bandung diatur jeung dipayuskeun dumasar prosedur anu resmi, dina taun 1962 diadegkeun “WARGA MAHASISWA BASA JEUNG SASTRA SUNDA” (WBSS). Kagiatan nu digarap ku WBSS leuwih dieuyeuban deui ku ayana Saba Reuma nu mangrupa kagiatan rekreasi ka hiji tempat (bari leumpang).

Luyu jeung robahna ngaran jurusan, dina taun 1983 WMBSS ngilu robah jadi Himpunan Mahasiswa Jurusan Pendidikan Bahasa Daerah (HMPBD), kalayan kagiatan nu leuwih ditingkatkeun deui, boh rupana boh ajén kagiatanana.

Kalayan harepan nembongkeun deui komara Sunda dina taun 1986 HMPBD robah deui jadi “Himpunan Mahasiswa Pendidikan Bahasa dan Sastra Sunda (Hima Pensatrada) FPBS IKIP Bandung” nepi ka kiwari, nu redaksina dirobah deui jadi “Himpunan Mahasiswa Pendidikan Basa jeung Sastra Sunda (Hima Pensatrada) FPBS UPI” dina taun 2003.

Nepi ka kiwari, Hima Pensatrada terus ngusahakeun pikeun ngaguar jeung ngamekarkeun kagiatan kamahasiswaan nu diwariskeun ti inohong-inohong mahasiswa samemehna. Lian ti eta dironjatkeun ogé kasaimbangan kagiatan dina widang penalaran, minat jeung bakat, jeung kasejahteraan anggota.

Pupuhu WMBSS, HMPBD jeung Hima Pensatrada ti mangsa ka mangsa
Warga Mahasiswa Basa jeung Sastra Sunda
(WMBSS)
Alam Sutawijaya (1962-1964)
Agus Suriamiharja (1964-1970)
Dudung Ajat Saputra (1970-1977)
Asep Suhendar (1977-1978)
Taufik Faturrahman (1978-1979)
Edi Suhendar (1979-1980)
Dedi Koswara (1980-1981)
Cicih Sundarsih (1981-1982)
Nana Kurniadi (1982-1983)

Himpunan Mahasiswa Pendidikan Bahasa Daerah
(HMPBD)
Ganjar Priatna (1983-1984)
Herlan Saepulloh (1984-1985)
Iyos Ana Rosmana (1985-1986)

Himpunan Mahasiswa Pendidikan Bahasa dan Sastra Sunda
(Hima Pensatrada)
Apip Ruhamdani (1986-1987)
Dani Suhandani (1987-1988)
Gunawan (1988-1989)
Uus Sugiana (1989-1990)
Yudi budiman (1990-1991)
Timan (1991-1992)
Asep Dachlan (1992-1993)
Kardiman (1993-1994)
Entoh (1995-1996)
Retty Isnendes (1996-1997)
Uhud Solehudin (1997-1998)
Nanin Nuraningsih(1998-1999)
Hernawan (1999-2000)
Asep Fajar Ansori(2000-2001)
Dadan Hamdani (2001-2002)
Iid Abdul Muiz (2002-2003)

Himpunan Mahasiswa Pendidikan Basa jeung Sastra Sunda
(Hima Pensatrada)
Jana Sujana (2003-2004)
Tarlan (2004-2005)
Diqi Munawwar Shodiq (2005-2006)
Adhika Nurkholis Aziz (2006-2007)
Yanuarisnandar Mauludi(2007-2008)
Karsim (2008-2009)

VISI jeung MISI Hima Pensatrada FPBS UPI
Visi jeung Misi Hima Pensatrada FPBS UPI nya eta tujuan Hima Pensatrada nu aya dina Anggaran Dasar Hima Pensatrada BAB VII pasal 11 nu eusina “Hima Pensatrada FPBS UPI ngabogaan tujuan pikeun ngawangun insan akademis anu kritis, religius jeung revolusioner kalawan nepi ka ngabogaan rasa tanggung jawab tur partisipasi aktif dina enggoning ngawujudkeun pangwangunan nasional”.

Fungsi
Hima Pensatrada FPBS UPI mibanda fungsi salaku wujud tina kadaulatan mahasiswa Pendidikan Bahasa Daerah FPBS UPI pikeun ngawadahan, nyalurkeun aspirasi sarta pikeun mekarkeun potensi anu aya di mahasiswa Pendidikan Bahasa Daerah FPBS UPI luyu jeung aturan konstitusi nu geus disapukan. (AD Bab VI pasal 10)

Kaanggotaan
Anggota Hima Pensatrada FPBS UPI nya eta mahasiswa Pendidikan Bahasa Daerah nu lulus tina Pengaderan. (AD Bab VIII pasal 12)
Nu dimaksud lulus tina pengaderan nya eta lulus tina kagiatan Mitra Sunda nu ngawengku Wawanohan, Latihan Dasar Kepemimpinan Mahasiswa (LDKM) jeung Saba Reuma. (ART Bab I pasal 1)

Lambang
Lambang hima pensatrada nya eta kujang, tarate, gunung, jangjang garuda, dikurilingan ku tulisan HIMPUNAN MAHASISWA PENDIDIKAN BASA JEUNG SASTRA SUNDA FPBS UPI anu aya dina hiji buleudan warna koneng emas kalayan warna dasar bulao kolot.

Harti simbolis lambang:
Kujang miboga harti jati diri Sunda
Jangjang miboga harti alat pikeun ngahontal tujuan
- Tarate miboga harti katingtriman
- Gunung miboga harti kayakinan anu kuat sarta cita-cita anu luhung
- Buleudan miboga harti hiji beungkeutan kakulawargaan
- Warna koneng emas ngalambangkeun kamulyaan jeung karaharjaan
- Warna bulao kolot nandakeun sumanget pikeun bajoang

Karatagan
ku: Imang Sugianto

Pensatrada nanjeur nyanding komara
Hurung ngempur pamorna ki sunda
Cangkring kujang nu jadi perlambang
Leber wawanen na diri

Lemah UPI baligeusan ngajadi
FPBS pamiangan tandang
Meuseuh diri pigeusaneun bakti
Wadahna hima digjaya

Seuweu siwi jati Sunda
Pangrumat pangraksa budaya
Mahasiswa sirung bangsa
Geusan tandang makalangan

Saémbara Ngarang Drama Sunda 2009 PP-SS

PAGUYUBAN Panglawungan Sastra Sunda (PP-SS) rampak gawé jeung Téater Sunda Kiwari (TSK) baris ngayakeun deui Saémbara Ngarang Naskah Drama Sunda 2009. Ieu saémbara téh minangka tarékah ngaronjatkeun minat pangarang nulis naskah drama Sunda. Naskah pinunjul dina ieu saémbara baris dipintonkeun dina Féstival Drama Basa Sunda (FDBS) 2010 nu diayakeun ku TSK.

Katangtuanana:

1. Saha waé bisa miluan ieu saémbara.
2. Naskah ditulis dina basa Sunda, mun aya kekecapan tina basa wewengkon atawa basa deungeun kudu diterangkeunana sasaruanana dina basa lulugu dina catetan kaki.
3. Naskah diketik dina keretas A4, 1,5 spasi, maké huruf Times New Roman 12pt (mun maké komputer).
4. Téma naskah bébas (komédi, romantik, tragédi, jsté) asal teu méngpar tina tetekon, ugeran, papagon jeung moral bangsa katut agama.
5. Naskah asli (lain salinan/tarjamahan atawa saduran), can kungsi dimuat boh dina média citak/éléktronik boh dina buku, tur can kungsi dipéntaskeun.
6. Panjang karangan kira-kira 60 meniteun upama dipéntaskeun.
7. Jumlah tokoh jeung adegan teu diwatesanan.
8. Unggal pangarang ngan bisa ngirimkeun hiji naskah drama (sajudul).

Cara Ngirimkeunana:

1. Dina amplop ditulis “Saémbara Ngarang Naskah Drama Sunda PP-SS 2009″, kirimkeun ka: Jl. Taman Kliningan II No. 5 Bandung 40264.
2. Naskah diémbohan ku katerangan ngeunaan pangarang.
3. Lian ti kana pos, naskah bisa dikirim kana émail pangarangsunda@yahoo.co.id atawa saembaradrama2009@yahoo.com.
4. Naskah kudu geus katarima ku panitia paling leuir 31 Agustus 2009 (cap pos).

Pangajén:

1. Panitia nangtukeun déwan juri pikeun niténan/ngajén naskah dina ieu saémbara, sarta nangtukeun ugeranana (kritéria).
2. Déwan juri milih lima (5) karangan pinunjul, sarta nangtukeun pinunjul I, II, II jeung dua (2) pinunjul harepan.
3. Naskah nu jadi pinunjul baris diumumkeun bulan Oktober 2007.
4. Disayagikeun hadiah keur para pinunjul nu gemblengna 10 juta rupia.

Bandung, April 2009
Panitia Saémbara Ngarang Drama Sunda 2009